Киин уокурукка устудьуоннар тутар этэрээттэрэ үлэлэрин түмүктээтилэр. Бу туһунан Дьокуускай куорат дьаһалтатын пресс-кииниттэн иһитиннэрдилэр, Якутск.рф. саайтка суруйдулар.
19 байыастаах, Ньургуйаана Михайлова хамандыырдаах ХИФУ “Тэтим” устудьуоннар тутар этэрээттэрэ Дьокуускай куорат болуоссаттарын, сквердэрин тупсарыыга, үүнээйини олордууга үлэлэстэ.
Ленин уулуссатын 5, Петр Алексеев 25 №-гэр, “Доҕордоһуу аллеятыгар” үлэлээтилэр, Курашов уулуссатыгар 456 кв.м иэннээх сиргэ кулуһун оту ыраастаатылар, бөҕү-саҕы хомуйдулар, Короленко 28, Курашов 29, Ломоносов 29 уонна Петр Алексеев 21/5 №-гэр баар оҕо былаһааккаларын кырааскалаатылар.
Сезон түмүгэр, Киин уокурук управатын салайар Олег Неустроев таһаарыылаахтык үлэлээбит устудьуоннарга махтал суруктары, ыччаттарга барыларыгар “Лена” киинэ тыйаатырыгар билиэттэри туттартаата.
Кангаласска оҕо былаһааккалара саҥардылыннылар
Бу эҥээргэ олорор оҕолор саҥардыллыбыт былаһааккаларга оонньуур кыахтаннылар.
Кангаласс микро-оройуон дьаһалтата Дьокуускай куорат дьаһалтатын кытта Молодежнай 26, Партсъезд 5-с дьиэтигэр, Комсомольскай уонна Дачнай уулуссаларга оҕо былаһааккаларын тупсарыыга үлэни ыыттылар. Былаһааккалар кырааскалара саҥардылыннылар, алдьаммыт эргэ оҥоһуктар быраҕылыннылар, элбэх тупсарыы үлэтэ ыытылынна. Онон оҕолор оонньуур сирдэрэ тупсаҕай көрүҥнэннилэр.
Хаартыска: Дьокуускай куорат дьаһалтатын пресс-сулууспата