Маны аах Тыа хаһаайыстыбата

Устудьуоннар практикалана сылдьаллар

Мииринэй улууһунааҕы бэтэринээрийэ управлениетыгар АГАТУ устудьуоннара Светлана Семенова, Сахалина Павлова уонна Чурапчытааҕы аграрнай-техническэй колледж устудьуоннара Мария, Ольга Павловалар практикаларын бара сылдьаллар.

 

Светлана Семенова уонна Мария Петрова Мииринэйдээҕи ветлаборатория, ветсанэкспертиза лабораториятын үлэтин билистилэр, ырыынакка атыыланар бородууксуйаны лабораторияҕа чинчийдилэр, «Меркурий» ФГИС хайдах үлэлиирин бэрэбиэркэлээтилэр.

Сахалина Павлова уонна Ольга Павлова практикаларын Мииринэй улууһунааҕы бэтэринээрийэ управлениетын Өлөөннөөҕү салаатыгар бараллар. Кинилэр салаа сэбиэдиссэйэ Анжелика Николаева салалтатынан, ыарыыны диагностыыр үлэ ымпыктарын-чымпыктарын билистилэр, көтөрү иитэр хаһаайыстыбаҕа сылдьан, 600 кууруссаны чинчийдилэр.

Бэтэринээр үөрэҕин талбыт эдэр дьон идэлэрин баһылыылларыгар маннык практика улахан суолталаах. Уопуттаах исписэлиистэргэ тирэҕирэн, кинилэр үлэ тэрээһинин билсэллэр, эмтиир-сэрэтэр үлэ бастааҥы үөрүйэхтэрин иҥэринэллэр.

Раиса Сибирякова, «Саха сирэ», edersaas.ru

0
0