Хас сыл ахсын баччаларга орто анал уонна үрдүк үөрэх кыһаларыгар саҥа киирбит ыччаттар хомуурга үлэлииллэр.
edersaas ru.
Саха судаарыстыбаннай тыа хаһаайыстыбатын академиятыттан уонна Дьокуускайдааҕы тыа хаһаайыстыбатын техникумуттан 200 эдэр киһи быйыл эмиэ Өлүөхүмэ улууһугар үлэлиэхтэрэ. Бу сарсыарда СГТХА 70 устудьуона уу аалынан Саҥыйахтаахха айаннаата. Атыттар балаҕан ыйын 3 уонна 5 күннэригэр барыахтара. Айан ороскуотун тыа хаһаайыстыбатын уонна ас-үөл бэлиитикэтин министиэристибэтэ уйунна. Үлэни, хонук сири уонна аһатыыны «Саҥыйахтаах» кэпэрэтиип хааччыйар, ким төһөнү үлэлээбитинэн көрөн хамнастыыр. Хаһаайыстыба агрономнара этэллэринэн, хортуоппуй 47 гектар бааһынаттан хомуллуоҕа, үүнүү үчүгэй буолан, 800 туонна кэлиэн сөп. Ол барыта уу суолунан хотугу улуустарга ыытыллыаҕа.
Раиса Сибирякова. “Саха сирэ” хаһыат, edersaas ru.
+1
+1
+1
+1
+1
+1
+1