Сүрүн Тыа хаһаайыстыбата

Устудьуоннар хомуурга көмөлөһөллөр

Дьокуускайдааҕы тыа хаһаайстыбатын техникумун устудьуоннара «Хачыкаат» кэпэрэтиип бааһынатыгар үлэлии сылдьаллар.

Балаҕан ыйын 1 күнүттэн техникумтан үс бөлөх, барыта 27 устудьуон, Хаҥалас улууһун Хачыкаатыгар, «Хачыкаат» кэпэрэтиип бааһынатыгар бурдук, хортуоппуй уонна моркуоп хомууругар үлэлииллэр.

Үһүс кууруска үөрэнэр уолаттар тиэхиньикэнэн бааһынаны тиэрэллэр, ону иккис куурус устудьуоннара хомуйан, кууллууллар. Ыскылаакка таһаллар.

Быйыл төһө даҕаны кураан сайын буоллар, хортуоппуй уонна оҕуруот аһа бэркэ үүммүттэр. Күн-дьыл да анаабыт курдук чаҕылыйан үчүгэйэ сүрдээх.

Раиса Сибирякова.

0
0