Устудьуоннар этэрээттэрин слетугар уол кыыһыгар кэргэн таҕыс диэтэ (ВИДЕО)
Дьокуускай куоракка ыытыллыбыт Бүтүн Арассыыйатааҕы устудьуоннар этэрээттэрин слетун үөрүүлээх сабыллыытыгар уол кыыһыгар кэргэн таҕыс диэтэ.
Эдэрдэр слетка Киин федеральнай уокурук аатыттан кыттыыны ыла кэлбиттэр. Кыыс Алина Антонова, дьол аргыстаах сөбүлэҥ эппиэтин өр гыммата. Уол тэрээһин ыытааччытын кытта кэпсэтэн , Алинаны бриллиант сүүйбүт курдук оҥорон, сыанаҕа таһаартарбыта. Бриллианын оннугар таптыыр киһитэ сахалыы таҥастаах биһилэх тутуурдаах тахсыбытыгар Триумф спорт киинин саалата ньиргиччи аймана түстэ.
Алина Антонова 2014 сыллаахха Москва куоракка буолбут устудьуоннар этэрээттэрин слетугар, Кремль кэнсиэртиир саалатыгар кэргэн тахсан эрэр кыыс букетын хабан турардааҕа. Уол онтон ыла бэйэтигэр маннык кэргэн кэпсэтии оҥоруом диэн сыал туруоруммут.
ВИДЕО:
Николай Попов, «Саха сирэ» хаһыат, edersaas.ru