Коронавируһунан ыалдьыбыт ХИФУ устудьуоннарын төрөппүттэрэ анал саайтка киирэн, оҕолорун туругун билсэр, толору информацияны ылар кыахтаныахтара.
edersaas.ru
Ол туһунан өрөспүүбүлүкэтээҕи суһал ыстаап бэрэссэдээтэлэ Ольга Балабкина иһитиннэрдэ. Суһал ыстаап университет ректорын кытта дуогабардаһан, үөрэх кыһатын саайтыгар маннык информация тахсарын туһунан кэпсэппиттэр.
— Устудьуоннар доруобуйалара этэҥҥэ, ыараханнык ыалдьар киһи суох, ону ааһан, биллибэккэ, туох да сибикитэ суох ыалдьааччылар бааллар. Онон сотору кэминэн бары үтүөрэн тахсалларын кэтэһэбит, — диэн Ольга Валерьевна эттэ.
Санатар буоллахха, ыам ыйын 4 күнүгэр Хотугулуу-Илиҥҥи федеральнай университет уопсайыгар олорбут биир устудьуон коронавируһунан ыалдьыбыта биллэн, харантыын кытаанах эрэсиимэ киллэриллибитэ. Барыта 64 устудьуон ыалдьыбыта, уопсайга обсерватор тэриллэн, кинилэр онно олорон эмтэнэллэр, ыарыыны чэпчэкитик аһаран эрэллэр.
Ангелина Васильева, “Саха сирэ” хаһыат, edersaas.ru
Хаартыска: svfu.ru