Уопсастыба Успуорт

Успуорт миниистирэ Бэрдьигэстээххэ сырытта

СӨ Успуорт миниистирэ Иннокентий Григорьев үлэтинэн Горнай улууһугар Бэрдьигэстээххэ бара сырытта.

Кини онно «Манчаары оонньуулара» успуорт национальнай көрүҥнэригэр XXI Спартакиаданы көрсө комплексы тутуу хайдах баран иһэрин көрдө уонна улуус салалтатын кытары сүбэ-мунньаҕы тэрийдэ. Бу туһунан тустаах министиэристибэ пресс-сулууспата иһитиннэрэр.
Миниистир И.Ю.Григорьев «Демография» национальнай бырайыак чэрчитинэн «Успуорт-олох нуормата» федеральнай бырайыагынан, ахсынньыга түмүктэниэхтээх тутулла турар спортивнай комплексы, сыал ытар тиири, ипподрому, 1000 миэстэлээх стадиону, Спартакиада кыттыылаахтара уонна тэрийээччилэр түһүэн олоруохтаах сирдэрин көрдө-иһиттэ, успуорт оскуолатыгар сырытта.
Түмүккэ миниистир улуус салалтатын кытары Спартакиаданы тэрийии боппуруостарын дьүүллэстилэр уонна эбийиэги тутуу болдьоҕор кыһалҕалары кэпсэттилэр.
—Бүгүҥҥү күҥҥэ саамай сүрүн сыалынан, успуорт эбийиэктэрин болдьоммут кэмнэригэр бүтэрии буолар, — диэтэ көрсүһүүгэ миниистир Иннокентий Юрьевич.
0
0
Telegram @edersaas20

Добавить комментарий