Маны аах Успуорт

Успуорт эбийиэктэригэр киирэргэ ирдэбил кытаатыаҕа

Эпидемиологическай быһыы-майгы уустугурбутунан, алтынньы 25 күнүттэн, успуорт эбийиэктэригэр киирэргэ ирдэбилинэн бэрээдэк олохтонуо.
Фитнес-кулууптарга, дьарыктанар саалаларга, сөтүөлүүр сирдэргэ, успуорт саалаларыгар, сабыылаах манежтарга, хайыһар баазаларыгар, сабыылаах хаҥкылыыр сирдэргэ, спортивнай сынньанар тэрилтэлэргэ аны коронавируһу утары быһыыны ылбыттар уонна ыалдьан үтүөрбүттэрэ алта ый ааспыт дьону киллэриэхтэрэ. Бу туһунан СӨ Успуорт министиэристибэтин пресс-сулууспата иһитиннэрэр.

«18 саастарын туола илик оҕолор успуорт эбийиэктэригэр QR-кода суох сылдьыахтарын сөп, ол гынан баран, ол эрчиллиини саҥаттан киллэрии туһунан СӨ суһал ыстаабын туспа ураты дьаһала таҕыстаҕына эрэ. Атыттар барыларыттан ирдэбил булгуччулаах. Бу судургута суох кэмҥэ Сахабыт сирин дьонун-сэргэтин коронавируһу утары быһыыны ыларгытыгар ыҥырабыт уонна уопсастыбаннай сирдэргэ мааскалаах сылдьаргытыгар көрдөһөбүт», — диэн миниистири солбуйааччы Александр Бугаев эттэ.

0
0