Госдуума физкультураҕа, спорка, туризмҥа, ыччат дьыаларыгар кэмитиэтин чилиэнэ Дмитрий Свищев уруулга олорон табахтыыры боборго этии киллэрдэ.
Кини этэринэн, Арассыыйаҕа массыына ыытан иһэн, суотабай төлөпүөнүнэн кэпсэтэр бобуллар. Оттон табахтааһын эмиэ массыынаны ыытарга мэһэйдиэн сөбүн тоһоҕолоон бэлиэтиир.
Холобур, суоппар ыытан иһэн, табаҕын уматтарыгар испиискэтин, зажигалкатын көрдүүр, аны хайдах эрэ гынан күлүн тэбиэн наада. Ону тэҥэ, табах буруота табахсыкка эрэ буолбакка, олорсон иһэр дьон доруобуйатыгар эмиэ буортулааҕын дьокутаат санатар.
Бэлиэтээн эттэххэ, уопсастыбаннай миэстэҕэ, тэрилтэлэргэ, олорор дьиэлэр подъезтарыгар табахтыыр федеральнай сокуонунан бобуллар. Ону кэспит киһиэхэ, административнай буруй быһыытынан, ыстараап көрүллэр.
Ангелина ВАСИЛЬЕВА, “Саха сирэ” хаһыат, edersaas.ru
+1
+1
+1
+1
+1
+1
+1