Уһук Илини сайыннарыы федеральнай министиэристибэ Уһук Илиҥҥэ урутаан сайдар территориялар (ТОР) төһө көдьүүстээхтик үлэлииллэрин-хамсыылларын ырыта сылдьар.
Ол түмүгүнэн сорох ТОР-дар үлэлээбэт былаһаакалара суох оҥоһуллуохтаахтар. Бу туһунан Россия Президенин Уһун Илиҥҥи федеральнай уокурукка боломуочуйалаах бэрэстэбиитэлэ Юрий Трутнев иһитиннэрдэ:
— Билигин, сыл бастакы кыбаарталыгар, чинчийэр-ырытар үлэ ыытыллар, ол кэнниттэн барыта быһаарыллыаҕа. Өскөтүн ТОР иһинэн ханнык эмит былаһаакканы суох оҥорор буоллахха, онтон туох да иэдээн тахсыа суоҕа. Тоҕо статуһу биир да резидент ылбат, үлэни-хамнаһы тэрийбэт сиригэр тутуохпутуй?
Уһун Илиҥҥи федеральнай уокурукка 18 урутаан сайдар территория — барыта 48 былаһаакка баар, олортон түөрт ТОР үлэтин Трутнев көдьүүстэрэ суоҕунан ааҕар. Уһук Илини сайыннарыы миниистирэ Александр Галушка ким да ылбат былаһаакката ТОР-тан туоратыллыан эбэтэр ылар кыраныыссата аччыан сөбүн бигэргэтэр.
Раиса Сибирякова, “Саха сирэ” хаһыат, edersaas.ru