Коронавируһу тарҕаппат инниттэн, оскуола үөрэнээччилэрин болдьоҕун иннинэ кулун тутар 18-27 күннэригэр сааскы сынньалаҥҥа ыыппыттара. Туһааннаах бирикээскэ СӨ Үөрэҕин уонна наукатын миниистирэ Владимир Егоров кулун тутар 17 күнүгэр илии баттаабыта.
edersaas.ru
Салгыы, кулун туран 28 күнүттэн оҕолор дьиэлэригэр олорон (дистанционно) үөрэниэхтээхтэр. Министиэристибэ пресс-сулууспата иһитиннэрэринэн, бу сэрэдэттэн (кулун тутар 25 күнүттэн) эксээмэннээх 9-с уонна 11-с кылаастарга анаан “Саха” НКИХ нуучча тылыгар уонна математикаҕа уруоктары таһаарыахтара. Онлайн уруоктары өрөспүүбүлүкэ биллэр-көстөр учууталлара ыытыахтара.
Математикаҕа бастакы уруогу, кулун тутар 25 күнүгэр, сарсыарда 10 чаас 30 мүнүүтэҕэ 11-с кылаас үөрэнээччилэригэр СӨ Үөрэҕин уонна наукатын миниистирэ, үрдүкү категориялаах педагог Владимир Егоров биэриэҕэ. Ити кэнниттэн, тута, нуучча тылын биридимиэтигэр уруок буолуоҕа. Онтон 12 чаас 30 мүнүүтэттэн 9-с кылаастарга математикаҕа, салгыы нуучча тылыгар уруоктар ыытыллыахтара.
Людмила ПОПОВА, edersaas.ru
Хаартыска: СӨ Үөрэҕин уонна наукатын министиэристибэтин пресс-сулууспата.