Урбаанньыттары ыгыы, бэрэбиэркэлээһин өссө кыччыаҕа

Бөлөххө киир:

Коронавирус дьаҥыттан  бастакы уочарат улахан охсууну аччыгый уонна орто урбаан бэрэстэбиитэллэрэ ыллылар.  Төһө элбэх урбаанньыт ыарахан балаһыанньаламмытын ааҕан ситиэхпит суоҕа.

Бу күннэргэ  Уһук Илиҥҥи уокурук сэбиэтигэр  хонтуруоллуур уорганнар үлэлэригэр сыһыннаах мунньах буолла. Тэрээһини  РФ Бырабыыталыстыбатын бэрэссэдээтэлин солбуйааччы – РФ Бэрэсидьиэнин Уһук Илин Федеральнай Уокурукка боломуочуйалаах бэрэстэбиитэлэ Юрий Трутнев  үүннээн-тэһииннээн ыытта.

Кини хонтуруоллуур уорганнар үлэлэрэ быдан дьэҥкэ буолбутун туһунан иһитиннэрдэ. Ол эбэтэр, Уһук Илиҥҥи уокурукка хас төрдүс урбаанньыт административнай ыгыыга түбэһэр  эбит.  Тустаах уорганнар ыгыылара ордук Камчатка, Приморья кыраайдарыгар уонна Бүрээтийэ өрөспүүбүлүкэтигэр баара бэлиэтэммит.
Санатар буоллахха, быйыл от ыйын 1 күнүттэн «О государственном контроле (надзоре) и муниципальном контроле в РФ» диэн федеральнай сокуон сиилэтигэр киирбитэ. Бу сокуон биир тылынан этэр буоллахха, урбааны бэрэбиэркэлээһини аччатар уонна сымнатар аналлаах.  Сокуон киириэҕиттэн  2019 сылы кытта тэҥнээтэххэ, 2021 сыл тоҕус ыйын түмүгүнэн  урбаан эйгэтин бэрэбиэркэлээһин  син аҕыйаабыт. От ыйын 1 күнүттэн   Уһук Илиҥҥи уокурук үрдүнэн  тустаах уорганнар 1 тыһыынча  сэрэтэр үлэни уонна 225 анал консультацияны ыыппыттар. Сэрэтэр аналлаах үлэлэр ордук Приморскай, Хабаровскай уонна Забайкальскай кыраайдарга  ыытыллыбыттар. Мунньах түмүгэр Юрий Трутнев кэккэ дьаһаллары оҥордо.

«Урбаан эйгэтин ыгыы, бэрэбиэркэлээһин билигин да аҕыйаабыт диир кыахпыт суох. Уһук Илиҥҥи уокурук үрдүнэн  урбааны  бэрэбиэркэлээһин, ыгыы лаппа кыччыахтааҕар, төттөрүтүн үрдээбит курдук.  Ол эрээри, экэниэмикэни бэрэбиэркэлээһин, ыгыы  намыһах буолуохтааҕар эрэнэбин», –  диэн  Юрий Трутнев эттэ.

+1
0
+1
0
+1
0
+1
0
+1
0
+1
0
+1
0