Өрөспүүбүлүкэҕэ эргиэн уонна ас-үөл тэрилтэлэригэр үлэлиир урбаанньыттар ирдэбили тутуһууларыгар туһуламмыт бэрэбиэркэлээһин салгыы ыытыллар.
edersaas.ru
Хамыыһыйа чилиэннэрэ уопсайа киин куорат 19 эбийиэгин бэрэбиэркэлээтилэр. Эриэйдэ кэмигэр СӨ Ил Дарханын Ураахтарын кэһии түөрт көрүҥэ баара бэлиэтэннэ. Ол курдук, «Пивной двор» тэрилтэ 00:00 кэннэ итирдэр утаҕы атыылыыра, «Леман»култуурунай-сынньатар кииҥҥэ дискотека ыытылла турара, онно мааската суох дьон тоҕуоруһуута, тэйиччи сылдьыы ирдэбилэ тутуһуллубата ыйыллыбыт.
Бэрэбиэркэлиир хамыыһыйа бэрээдэги кэһээччилэри кытта өйдөтүү бэсиэдэтин ыытта. Бу туһунан СӨ Предпринимательство, эргиэн уонна туризм министиэристибэтин пресс-сулууспата иһитиннэрэр.
Елена ПОТОЦКАЯ, «Саха сирэ» хаһыат, edersaas.ru
+1
+1
+1
+1
+1
+1
+1