Бу күннэргэ урбаан салаатыгар «Фабрика» федеральнай үөрэхтээһин бырайыагын Саха сиригэр олоххо киллэрэ сылдьар тириэньэрдэр үлэлии сылдьар урбанньыттары биисинэс салаатыгар ситиһиилээх дьону кытта көрсүһүүлэри тэрийэллэр.
edersaas.ru
Коронавирус сыстыганнаах дьаҥа төһө да бүрүүкээн турдар, урбаанньыттарга маннык көрсүһүүлэр олус туһалаахтар.
Тэрээһин бары ирдэбили тутуһан ыытылынна. Көрсүһүү биисинэс-тириэньэр, коуч Алена Шкулепо үгүс сылларга түмэн оҥорбут «О про/даже с любовью!» диэн кинигэтин ырытыыга ананна.
Биисинэскэ кэккэ ситиһиилээх урбаанньыт атыы-эргиэн кистэлэҥнэрин арыйда, урбаанньыттар интэриэһиргиир ыйытыыларыгар хоруйдаата.
Маны таһынан, «Фабрика» федеральнай үөрэхтээһин бырайыагын Саха сиригэр салаатын салайааччыта Айталина Федорова үп-харчы боппуруоһугар тустаах сыалы туруорарга тренинг ыытта.
Оттон урбааньыттар бырайыак смм-маркетолога Анисия Неустроева уустук кэмҥэ инстаграмынан оҥоһуллар атыы-эргиэн сыыһаларын ырытта.
Елена ПОТОЦКАЯ, «Саха сирэ» хаһыат, edersaas.ru