Урбаанньыттар хамсыгы сэрэтиигэ уонна дезинфекцияҕа босхо субсидияҕа тиксиэхтэрин сөп

Субсидияны ылыыга бу сыл атырдьах ыйын 15 күнүгэр диэри сайабылыанньаҕытын нолуок уорганыгар ыытыҥ эбэтэр буостанан, Арассыыйа Федеральнай нолуокка сулууспатын саайтынан, нолуогу төлөөччү тус кэбиниэтин нөҥүө, диэн “Мой бизнес” киин саайтыгар этиллэр.

edersaas.ru

— субсидияны эбии үөрэхтээһин эйгэтигэр, ону тэҥэ гостиницалар биир кэлим кэрискэлэригэр киллэриллибит дьоҕус уонна орто урбаанынан дьарыктанар  кэмиэрчэскэйэ суох тэрилтэлэр ылыахтарын сөп эбэтэр маннык салааларга үлэлээччилэр: спорт эйгэтэ, гостиница хаһаайыстыбата, уопсастыбананй аһылык, бытовой өҥө, эбии үөрэхтээһин.

— сайабылыанньаҕытыгар субсидия харчыта түһүөхтээх счетун ыйыҥ.

— сайабылыанньаны 3 күн иһигэр көрүөхтэрэ. Барыта сөп буоллаҕына, Арассыыйа ФНС субсидияны ааҕыаҕа, оттон Федеральнай казначейство төлөбүрү оҥоруо.

— ФНС үлэһит ахсаанын РФ Биэнсийэҕэ пуондатыгар түһэрбит отчуоттарынан бэрэбиэркэлиэҕэ.

Субсидия кээмэйин маннык формуланан ааҕыахтара:

— хампаанньалар 15 тыһ. солкуобай быһыллыбыт төлөбүрү ылыахтара, ону тэҥэ хас биирдии үлэһиккэ 6,5 тыһыынча солкуобайы.

— биирдэм урбаанньыттар хас биирдии үлэһиттэригэр 6,5 тыһ. солкуобайы ылыахтара уонна 15 тыһ. солкуобайы ИП-га бэйэтигэр.

— үлэһитэ суох биирдэм урбаанньыттар тус бэйэлэрэ 15 тыһ. солкуобайы ылыахтара.

Роспотребнадзор сүбэлээһиннэригэр олоҕуран, общепит, гостиница уонна спорт тэрилтэлэрэ эрэгийиэн баһылыгын туһааннаах быһаарыытыгар олоҕуран хааччахтааһыны устуу үһүс түһүмэҕэр үлэлэрин сөргүтүөхтэрин сөп:

• киирбит дьону уонна персонал температуратын мээрэйдээн;

• тэйиччи буолууну тутуһан;

• антисептиктарынан хааччыйыахтаахтар;

• үлэһиттэр ыарыыга сыстыбат туһугар мааска, бэрчээккэ кэтиэхтээхтэр, 3 чааска биирдэ уларытыахтаахтар.

Бэлэмнээтэ: Женни Стрюкова

хаартыска: интэриниэттэн