Коронавирустан эмсэҕэлээбит урбаанньыттартан субсидияҕа докумуон хомуйан саҕалаатылар

Ыам ыйын 18 күнүттэн пандемия кэмигэр эмсэҕэлээбит урбаанньыттар субсидия ыларга докумуон туттарыахтарын сөп буолла.

Коронавирустан эмсэҕэлээбит тэрилтэлэри өйүүр сыалтан Урбаан, эргиэн уонна туризм министиэристибэтэ миэрэлэри ылынна.

Көрүллүбүт миэрэлэри салааларынан араарыллыбыт испииһэккэ киирбит эрэ урбаанньыттар туһаныахтара. Испииһэги манна көрүөххэ сөп: http://portal.b14.ru/koronavirus/perechen-otrasley/.

Докумуоннары тутуу болдьоҕо: ыам ыйын 18 күнүттэн бэс ыйын 6 күнүгэр диэри.

Сайаапканы ыытыы усулуобуйаларын кытта манна билсиҥ: http://portal.b14.ru/koronavirus/finansovye-mery-podderzhki/.

Бу миэрэлэринэн интэриэһиргиир боппуруостары эрийэн билсиҥ:

— «Суһал лиинийэ» — 8-800-100-58-80;

— «Линия прямых обращений» сервис нөҥүө portal.b14.ru;

— Whatsapp  8-924-873-00-97.