Урбаанньыт Мироновтар 1 мөл. солк. көмө оҥордулар

Ааптар: 
Бөлөххө киир:

Горнай улууһун Атамай нэһилиэгэр ойуур баһаарыттан 38 ыал туох баар маллара, дьиэлэрэ умайан, турар бэйэлэрэ эрэ туран хаалбыта. Кинилэргэ көмөлөһө өрөспүүбүлүкэ салалтата уонна олохтоохторо биир киһи курдук туруммуттара.

Айсен Николаев быһаччы көмөтүнэн бу ыалларга анаан «АЛРОСА» хампаанньа үбүнэн Үүнэр көлүөнэ тус сыаллаах пуондатын нөҥүө дьиэ тутуута саҕаланна.

Дьокуускай куорат олохтоохторо, урбаанньыт кэргэннии Дмитрий, Лариса Мироновтар үтүө санаанан салайтаран, эмсэҕэлээбит ыалларга 1 мөлүйүөн солкуобай уу харчыны Өрөспүүбүлүкэтээҕи ойуур уотун утары охсуһар доброволецтарын ыстаабыгар кэлэн, «Горнай» түмсүү» салайааччытыгар Надежда Федороваҕа, Атамай нэһилиэгиттэн төрүттээхтэр түмсүүлэрин салайааччытыгар Степанида Пахомоваҕа туттардылар.

Мироновтар дьиэ кэргэн аҕа баһылыга Дмитрий Никифорович Сунтаар Элгээйититтэн төрүттээх, ыал ийэтэ Лариса Иннокентьевна Уус Майаттан төрүттээх.
Кинилэр дьиэ кэргэнинээн бэйэ дьыалатын тэринэн уурбаан ыарахан дьыалатыгар ылсан, өрөспүүбүлүкэбит инники сайдыытыгар бары күүстэрин ууран үлэлии-хамсыы сылдьаллар. «Горнай» түмсүү салайааччыта Надежда Федорова Мироновтар дьиэ кэргэттэригэр көмөлөрүн иһин истиҥ махталын тиэртэ уонна Атамай нэһилиэгин түмсүүтүн салайааччыта Степанида Пахомова сарсын Атамайга баран, нэһилиэк баһылыгар Роман Кононович Федоровка туттарыа диэн эрэннэрдэ.

Мироновтар үтүө көмөлөрүн туттарыыга Өрөспүүбүлүкэтээҕи доброволецтар ыстааптарын салайааччы Афанасий Алексеев кыттыыны ылла.

Бэлэмнээтэ Татьяна Павлова.

+1
0
+1
0
+1
0
+1
0
+1
0
+1
0
+1
0