Ил Түмэн дьокутаата, урбаанньыт, меценат, СӨ норуотун хаһаайыстыбатын үтүөлээх үлэһитэ Руслан Федотов Аммаҕа, оройуоннааҕы киин балыыһаҕа, үс рециркуляторы бэлэхтээтэ.
Улуустарыгар өйөбүл буолар дьонноруттан аммалар үөрэллэр. Улуус баһылыга Николай Архипов социальнай ситимҥэ Руслан Еремеевич көмөлөһөн биэрбит тэриллэрэ балыыһаҕа тиэрдиллибиттэрин иһитиннэрэр уонна дойдуларыгар тирэх буолар бэриниилээх дьоҥҥо махтанар. Кини улууска бу суолталаах дьоһун көмө буоларын бэлиэтиир.
Итиэннэ хааччахтанан олоруу эрэсиимиттэн төһө да сылайыы, салҕан барыы баарын иһин, нэһилиэнньэ бары миэрэлэри кытаанахтык тутуһарыгар, оччоҕуна дьаҥы кыайар кыах улаатарыгар эрэнэрин биллэрэр.
+1
+1
+1
+1
+1
+1
+1