Урбаан эйгэтин бэрэбиэркэлээһин лаппа аҕыйаабыт

Ааптар: 
Бөлөххө киир:

РФ Бырабыыталыстыбата  сааҥсыйалар кэмнэригэр урбаанньыттар үлэлэрин бэрэбиэркэлиири  лаппа аччатта. Холобур, 2019 сылтан 318 тыһыынчаттан 143 тыһыынчаҕа диэри анал бэрэбиэркэ ыытыллыыта түспүт.

Быйыл кулун тутар 10 күнүттэн 218 тыһ. бэрэбиэркэ оҥоһуллуохтааҕа тохтотуллубут. Санатар буоллахха, IT-хампаанньалар үлэлэрин  хонтуруоллааһын  ыытыллыбата 2025 сылга диэри уһатыллыбыта. Маннык  хабааннаах дьаһал киирбититтэн сылтаан, хампаанньалар 60-80 млдр солк. кэмчилээбиттэр.

Билиҥҥи туругунан, социальнай хабааннаах өҥөнү оҥорор хампаанньалар ( ордук обшепиттарга) санитарнай туруктарын бэрэбиэркэлээһин син биир ыытыллар.  Ол эрээри,  саҥа ирдэбилинэн  кинилэри сылга  иккитэ эрэ бэрэбиэркэлиэхтэрэ. Өскөтүн, бу ирдэбил кэһиллэр түгэнигэр, урбаанньыт судаарыстыбаннай порталга киирэн үҥсэр толору бырааптаах.

+1
0
+1
0
+1
0
+1
0
+1
0
+1
0
+1
0