Ураты харыстанар сирдэргэ сылдьыыга көҥүлү биэрии тохтотулунна

Бөлөххө киир:

Өрөспүүбүлүкэ сиригэр-уотугар  ойуур баһаардара элбээн,  ыксаллаах быһыы-майгы эрэсиимэ биллэриллибитэ. СӨ Экология, айылҕа баайын туһаныы  уонна  ойуур  хаһаайыстыбатын министиэристибэтэ иһитиннэрбитинэн, өрөспүүбүлүкэҕэ ойуур баһаардара турбуттарынан, ураты харыстанар  сирдэргэ сылдьыыга  көҥүлү биэрии кылгас кэмҥэ тохтотулунна. 

edersaas.ru

От ыйын 10 күнүнээҕи  туругунан,  Нам улууһугар баар «Белоозерскай» ресурснай резервакка  2000 га кээмэйдээх сир уокка былдьанан, билигин баһаары умулларыыга 67 киһи үлэлиир. Сүрүн үлэ Нам  Түбэтин хайысхатынан ыытыллар.

Ааспыт өрөбүллэргэ ураты харыстанар сирдэргэ  этиҥ түһэн, 7 сиргэ ойуур баһаара күөдьүйдэ.

2018 сыл саҕаланыаҕыттан ураты харыстанар сирдэргэ  101 ойуур баһаара тахсыбыта бэлиэтэннэ. Уопсайа,   245 тыһ. га иэннээх сир умайда.

Чэлгийээнэ Бахсырова, edersaas.ru

+1
0
+1
0
+1
0
+1
0
+1
0
+1
0
+1
0