Хомунаалынай өҥөнөн хааччыйар энергохампаанньаны кытта быһа дуогабары Дьокуускайга уоту туһанааччылары кытта үлэлэһэр кииҥҥэ тиийэн эрэ буолбакка, ыраахтан олорон эмиэ түһэрсиэххэ сөбүн туһунан «Якутскэнерго» хампаанньа Энергосбыта санатар.
edersaas.ru
Быһа дуогабары түһэрсэр сайаапканы маннык ыыталлар:
— «Якутскэнерго» ПАУо сайтын нөҥүө www.yakutskenergo.ru (тус кабинет (личный кабинет) эбэтэр сайт сүрүн сирэйигэр баар «Энергетиктэртэн ыйытыы» («Задать вопрос энергетикам») диэн ссылканан) киирэн;
— sbyt@yakutskenergo.ru электроннай почтанан («ГРБП дуогабарын түһэрсии» диэн бэлиэтээһиннээх) ыытаҕыт.
Сайаапкаҕа дьиэ хаһаайынын араспаанньатын, аатын, аҕатын аатын, докумуон реквизиттэрин (пааспар, СНИЛС эбэтэр ИНН), толору аадырыһы, мобильнай төлөпүөн нүөмэрин, электроннай почта аадырыһын суруйаҕыт.
Сайаапканы кытта докумуон куоппуйаларын туттараҕыт:
Приватизациялаах дьиэҕэ:
-сайаапканы биэрэр киһи пааспара;
— дьиэни бас билиини туоһулуур докумуоннар (дьиэни бас билэр бырааптааҕын туһунан свидетельство эбэтэр ЕГРН-тан сурук);
— дьиэ кэргэн састаабын туһунан ыспыраапка;
— дьиэни бары бас билээччилэр докумуоннара (пааспар, СНИЛС, ИНН);
— дьиэни бас билбэт киһи сайаапканы биэрэр буоллаҕына, дэбиэринэс ирдэнэр.
Олохтоох салалта (муниципальнай бас билии) дьиэтигэр:
-сайаапканы биэрэр киһи пааспара;
— дьиэҕэ бырааптааҕын туоһулуур докумуоннар (наймылаһыы дуогабара, ордер);
— дьиэ кэргэн састаабын туһунан ыспыраапка;
— дьиэни бары бас билээччилэр докумуоннара (пааспар, СНИЛС, ИНН);
— дьиэни бас билбэт киһи сайаапканы биэрэр буоллаҕына, дэбиэринэс ирдэнэр.
«Якутскэнерго» ПАУо уоту туһанааччылары кытта үлэлэһэр киин сайаапкалары Дьокуускай куоракка Ф.Попов аатынан уул., 21 үлэ кэмигэр сарсыарда 8 ч. 00 мүн. киэһэ 20 ч. 00 мүн. диэри эбиэккэ тохтобула суох тутар, субуотаҕа сарсыарда 9 ч.00 мүн. киэһэ 18 ч.00 мүн. диэри тохтобула суох үлэлииллэр. «Якутскэнерго» ПАУо сайтыгар www.yakutskenergo.ru (сүрүн сирэйгэ баар «Эрдэттэн суруйтарыы» диэн ссылканан) киирэн, тиийиэххит иннинэ суруйтарыаххытын сөп.
Энергосбыт дьиэттэн эбэтэр офистан тахсыбакка эрэ, счетчик көрдөрүүлэрин тиэрдиэххитин, уотунан хааччыйыы дуогабарын түһэрсиэххитин, туһаммыт өҥөҕүтүҥ төлүөххүтүн, счетчигы көрдөрөргө сайаапка биэриэххитин сөп диэн иһитиннэрэр. Ыраахтан олорон үлэлэһэргэ аналлаах өссө ханнык өҥөлөр баалларын туһунан «Якутскэнерго» ПАУо сайтыгар www.yakutskenergo.ru киирэн билиҥ диэн сүбэлиибит.
Энергосбыт контакт-киинин төлөпүөнүн нүөмэрэ: 8-800-100-22-05.
«Якутскэнерго» ПАУо Энергосбытын пресс-сулууспата