Уоруйах кыыс
Бэрээдэк - Олох-дьаһах

Уоруйах кыыс

Уоруон баҕарар киһи тугу да ыларын кэрэйбэт эбит. Киһи да бэркиһиир. Ону бу да дьыалаттан ону көрүҥ.

edersaas.ru

Дьокуускай куорат полициятыгар биир киһи эрийэн, кини кыбартыыратыттан 60 тыһ. солк. сыаналаах электрическэй балтатын («отбойнай молоток») уорбуттарын туһунан тыллаабыт.

Полицейскайдар эмсэҕэлээччиттэн ыйыталаһан билбиттэрэ — ити күн иннинэ, киэһэ, бу киһи дьиэтигэр биэс киһи мустан арыгылаабыттар. Сотору буолан баран, дьиэлээх хаһаайын утуйан охтубут. Оттон сарсыарда туран көрбүтэ — ыарахан сыаналаах электроинструмена суола сойбут.

Оперативниктар суһал-ирдиир тэрээһиннэри ыытан, бу уорууга уорбаланааччыны туппуттар — Нам улууһуттан төрүттээх, ханна да үлэлээбэт 20 саастаах кыыс эбит.

Кыыс билиммитинэн, анал хаалаах электроинструмены кини эрдэ өйдөөн көрбүт уонна хаһаайын утуйбутун, ыалдьыттар тарҕаспыттарын кэнниттэн, уорарга санаммыт.

Маныаха бу электрическэй балта 20 киилэ ыйааһыннааҕын билбэтэх — бэрт өр мадьыктаһан, дьиэтигэр нэһиилэ тиэрдибит. «Эрэйэ» таах хаалбыт — тутуу былдьаһан атыылаабатах-батарбатах.

Бу чахчынан «уоруу» ыстатыйанан холуобунай дьыала тэриллибитин СӨ ИДьМ-тын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: интэриниэттэн

 

1
3

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

шесть + три =