Уоруйах аҕа

Ааптар: 
Бөлөххө киир:

Хаҥалас улууһун биир уһуйаанын иитээччитин суотабай төлөпүөнүн уорбуттар. Үлэтигэр.

edersaas.ru


Иитээччи полицияҕа тыллаабыт. Кини кэпсээбитинэн, сарсыарда оҕолору төрөппүттэрэ аҕалан барбыттарын кэнниттэн өйдөөн көрбүтэ — төлөпүөнэ мэлийбит.

Полиция оперативниктара сайабылыанньа киирээтин, сотору буолан баран, бу уорууну арыйбыттар. Уорбаланааччы — 29 саастаах киһи, биир оҕо аҕата эбит.

Сарсыарда оҕотун аҕалан баран, оҕо таҥаһын уурар сиригэр төлөпүөн сытарын көрбүт уонна ылан, сиэбигэр уктан баран, тахсан барбыт.

Уоруллубут төлөпүөнү былдьаабыттар. Холуобунай дьыала тэриллибит.

Бу туһунан СӨ ИДьМ-тын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: интэриниэттэн

+1
0
+1
0
+1
0
+1
0
+1
0
+1
0
+1
0