Бу күннэргэ «Якутское» 4-с нүөмэрдээх полиция отделын дьуһуурунай чааһыгар Дьокуускай куорат олохтооҕун кыбартыыратыттан бытовой техниканы уорбуттарын туһунан сайабылыанньа киирбит. Хоромньу уопсай суумата 84 000 солк.
Суһал-силиэстийэлиир үлэ түмүгэр полиция үлэһиттэрэ 42 саастаах уорбаланааччыны туттулар. Ол курдук, куорат олохтооҕо атын сиргэ барар кэмигэр, билэр дьахтарыгар кыбартыыратын көрө-истэ сылдьарыгар көрдөспүт. Дьахтар эр киһи дьиэтигэр суох кэмигэр тэлэбиисэри, таҥас сууйар массыынаны, инструменнары уонна холдильнигы уоран баран, комиссионнай маҕаһыыҥҥа туттарбыт. Ол харчытынан арыгы атыылаһан, эр киһи дьиэтигэр билэр дьонун кытары арыгылаабыт.
158 ыст. 2 чааһынан холуобунай дьыала тэриллибит.
edersaas.ru
+1
+1
+1
1
+1
+1
+1
+1