Бу күннэргэ РФ Төрүт сокуонугар уларытыылары киллэриигэ үгүс киһи санаатын үллэстэр.
edersaas.ru
Саха сиригэр биллэр уопсастыбанньык, РФ суруналыыстарын сойууһун чилиэнэ Иван Турантаев бэйэтин санаатын бу курдук үллэстэр:
— Модун Арассыыйабыт Бэрэсидьиэнэ Владимир Путин коронавирус сыстыганнаах дьаҥа турбутунан сибээстээн, үөскээбит балаһыанньаны өйдөөн, бары кыһалҕаны туоратыыга болҕомтотун уурда, үгүс салааларга дьоҥҥо туһалаах социальнай хайысхалаах көмөлөр оҥоһулуннулар. Маныаха биһиги Ил Дархаммыт Айсен Николаев өрөспүүбүлүкэтээҕи бүддьүөттэн көрөн, өйөбүлгэ наадыйар нэһилиэнньэ араҥатыгар эмиэ улахан өйөбүллээх үлэни ыытта. Ону биһиги бары көрө-истэ сылдьабыт.
Онон, бар дьоммун, бу эппиэттээх кэмҥэ бары сомоҕолоһон, от ыйын 1 күнүгэр, туох да кэтэх санаата суох куоластаан, 80%-ны биэриэҕиҥ диэн ыҥырабын.
Елена ПОТОЦКАЯ, «Саха сирэ» хаһыат, edersaas.ru
+1
+1
+1
+1
+1
+1
+1