Уопсастыбаннай палаатаҕа СӨ Конституционнай сэбиэтин бэрэссэдээтэлэ Петр Гоголев дакылаатын иһиттилэр
Бүгүн СӨ Уопсастыбаннай палаатата уонна СӨ Конституционнай Сэбиэтэ тэрийбит кэмпириэнсийэлэригэр СӨ Конституционнай Сэбиэтин бэрэссэдээтэлэ Петр Гоголев “СӨ Конституционнай сокуонун сайдыыта уонна туруга” диэн дакылаатын дьүүллэһии буолла. Кэмпириэнсийэни СӨ Уопсастыбаннай палаата бэрэссэдээтэлин солбуйааччы Валентина Кириллина ыытта.
Сүрүн дакылааты СӨ Конституционнай Сэбиэтин бэрэссэдээтэлэ Петр Гоголев оҥордо. Дьүүллэһиигэ, ырытыыга эппит дьон бары биһирииллэрин биллэрдилэр, бары өттүнэн сөптөөх дакылаат оҥоһуллубутун туһунан санааларын атастастылар.
СӨ Уопсастыбаннай палаата бэрэссэдээтэлин солбуйааччы, СӨ Ытык сүбэтин чилиэнэ Иван Горохов: “Петр Гоголев СӨ Ил Түмэнин бэрэссэдээтэллиирин инниттэн СӨ Уопсастыбаннай палаататын чилиэнэ буолар. Кини СӨ Конституционнай сэбиэтин бэрэссэдээтэлинэн үлэлээбитэ сыл курдук буолан эрэр. Бу кэмҥэ Сэбиэт элбэх уонна сөптөөх үлэни үмүрүппүт. Ону барытын уопсастыбаннай палаатаҕа билиһиннэрбитин биир бэйэм олус биһирээтим, урут маннык диэн суоҕа. Уопсастыбаннай палаатаҕа ахсыс сылбын үлэлээтим. Бу дьиҥнээх демократическай сыһыан буолар. Дакылааты толору өйүүбүн”, — диэн санаатын үллэһиннэ. Мунньахха кыттыбыт Уопсастыбаннай палаата чилиэннэрэ эмиэ итинникь быһылаахтык санааларын эттилэр. “Саха сирэ” хаһыат кэлэр нүөмэрдэригэр Конституционнай сэбиэт бэрэссэдээтэлэ Петр Гоголевтыын тустаах боппуруоска кэпсэтиибит тахсыаҕа.
Александр Тарасов.