Томпо оройуонугар олорор Ибадат Джананова урбаанынан дьарыктанар уонна уопсастыбаннай үлэҕэ көхтөөхтүк кыттар.
Бу туһунан СӨ Предпринимательство, эргиэн уонна туризм министиэристибэтин саайтыгар суруллар.
Ибадат Джананова дьиэ кэргэнин кытта Дагестантан бастаан биир сылга диэн кэлбит. Онтон Саха сирин кэрэ айылҕатын олус сөбүлээн Хаандыгаҕа олохсуйа хаалбыт. Билигин кини «Podarki IBA» диэн маҕаһыыннаах.
Үс оҕо тапталлаах ийэтэ үлэтин таһынан улуус уопсастыбаннай тэрээһиннэригэр көхтөөхтүк кыттара бэлиэтэнэр. Кини модульнай бибилэтиэкэҕэ, оскуолаҕа көмөлөспүт, элбэх оҕолоох дьиэ кэргэттэргэ, доруобуйаларыгар хааччахтаах дьоҥҥо сэртипикээттэри биэрэр эбит. Маны таһынан бырааһынньыктарга маҕаһыыныгар чэпчэтиилэри оҥорор. Итиэннэ кыһалҕалаахтарга салгыы да көмөлөһөр баҕалааҕын эппит.
Урбаанынан дьарыктаныан баҕалаахтарга туохтан да санааларын түһэрбэккэ, туруоруммут сыалларын толорорго дьулуурдаах буолалларыгар баҕарар. Сиһилии СӨ Предпринимательство, эргиэн уонна туризм сайтыгар ааҕыҥ.
+1
+1
+1
+1
+1
+1
+1