Бэҕэһээ Аллайыаха булчуттара уопсастыбаннай дьүүллэһиигэ кытыннылар. Ол курдук, 2022-2023 сыллардааҕы булт сезонугар илимиит уонна кубуота бырайыагын дьүүллэстилэр.
Онон тайах, кулааһай, хотугу кыыл таба, туртас, бүүчээн, чубуку, хагдаҥ эһэ, киис, бэдэр курдук кыылы-сүөлү бултааһын илимиитэ булчуттары интэриэһиргэттэ. Өрөспүүбүлүкэҕэ уонна улууска бу кыыллары бултааһын туһунан экологияны кэтээн көрүүгэ Аллайыахатааҕы иниспиэксийэ начаалынньыга Татьяна Стрюкова быһааран биэрдэ. Илимиит, кубуота олохтонуутугар кыылы-сүөлү кыһыҥҥы ааҕыы түмүгэ сабыдыаллыырын эттэ. Уопсастыбаннай истиини ыытыыга эппиэттээх Аллайыаха улууһун дьаһалтата буолар. Онон улуус баһылыгын солбуйааччы Евдокия Забара дьүүллэһиини салайда. Уопсастыбаннай эколог Алевтина Кроль, Николай Терентьев, “Эйвни” община баһылыга В.Н.Стрюков, “Чокурдаах” фактория бэрэссэдээтэлэ А.С.Едукин, “Кыталык” национальнай паарка сирдээҕи-уоттааҕы отделын салайааччыта А.Г.Слепцов көхтөөхтүк кытыннылар.
Кинилэр бу бэриллэр кубуота ахсаана улуус сиригэр-уотугар тыыннаах айылҕаҕа, кыылга-сүөлгэ хоромньуну таһаарыа суоҕа диэн түмүккэ кэллилэр.
Бэлэмнээтэ Женни Стрюкова
Хаартыска: иниспиэксийэ ыытта