![](https://edersaas.ru/wp-content/uploads/2022/08/grass-girl-field-photography-meadow-sunlight-99184-pxhere.com_-900x596.jpg)
Элбэх харчыны аахсар ордук дуу, өр сынньанар дуу? Бу барыта ханнык ыйга уоппусканы ыларгытыттан тутулуктаах диэн объясняем.рф саайт суруйар. Сыл саҕаланыыта маны былаанныыр ордук.
Уоппуска ылан элбэх харчыны аахсар санаалаах буоллаххытына, от ыйыгар, атырдьах ыйыгар уонна алтынньыга уоппускалыыр быдан барыстаах диэн суруйаллар. Бу ыйдарга 22-23 эрэ үлэ күнэ баар.
Оттон өр сынньаныаххытын баҕарар буоллаххытына, судаарыстыбаннай бырааһынньыктардаах ыйдары талыҥ диэн сүбэлииллэр эбит. Уоппусканы бу күннэри кытта холбоон уһатыахха сөп. Оччотугар ыам ыйынааҕы бырааһынньыктары уонна бэс ыйын өрөбүллэрин (эбии өрөбүллэрдээх соҕотох сайыҥҥы ый) кытта уоппусканы дьүөрэлиир ордук.
Атын ыйдарга маннык бырааһынньыктар бааллар:
— Аҕа дойдуну көмүскээччилэр күннэрэ — олунньу 23-25 күннэрэ;
— Аан дойдутааҕы дьахталлар күннэрэ — кулуну тутар 8-10 күннэрэ;
— Арассыыйа күнэ — бэс ыйын 12 күнэ;
— Норуоттар сомоҕолоһууларын күнэ — сэтинньи 3-4 күннэрэ.