Култуура Маны аах

Уон улуус мусуойдара өрөспүүбүлүкэ бүддьүөтүттэн субсидия ылыахтара

2022 сылга муниципальнай мусуойдары тиэхиньиичэскэй  өттүнэн хааччыйыыга эрэгийиэн бүддьүөтүттэн субсидияны ылыыга күрэх түмүктэрэ билиннилэр. Мусуойдары тиэхиньикэнэн хааччыйыы  Арассыыйа норуоттарын култууратын үйэлээх баайын сылын өрөспүүбүлүкэтээҕи дьаһалларын чэрчитинэн ыытыллар.

«Өрөспүүбүлүкэбит мусуойдара баай устуоруйалаах, ханна да суох экспонаттардаах тэрилтэлэр. Саха сирин олохтоохторо мусуойдарга сылдьан, устуоруйабытын үөрэтиэх тустаахтар. Оттон биһиги бэйэбит өттүбүтүттэн мусуойдарбыт олох хаамыытын сэргэ  сайдалларын туһугар кыһаныахпыт”, — диэн Ил Дархан Айсен Николаев бу дьаһал туһунан бэлиэтээн эппитэ.

Култуура министиэристибэтэ биллэрбитинэн, муниципальнай мусуойдар саҥа витриналары, виртуальнай, экспозиция, мусуой иһигэр салгын туругун тупсарар тиэхиньикэлэри атыылаһар былааннаахтар. Ону кытта билиэттэри (ол иһигэр “пушкинскай каарта” бырагырааманан тарҕанар билиэттэри) атыылыыр систиэмэни саҥардыы тыын кыһалҕа буолбут.

 Күрэххэ сайаапкалары бэс ыйын 3 күнүгэр диэри туппуттар.

2022 сылга субсидияны ылар мусуойдар:

1. М.Е. Тимофеев аатынан Бэрдьигэстээҕи кыраайы үөрэтэр мусуой;

2. П.И. Сивцев аатынан Намнааҕы устуоруйа уонна этнография мусуойа;

3. Н.М. Заболоцкай-Чысхаан аатынан Томтордооҕу кыраайы үөрэтэр  мусуой;

4. Сэбиэскэй Сойуус Дьоруойа Ф.М. Охлопков аатынан Кириэс Халдьаайытааҕы кыраайы үөрэтэр мусуой;

5. Р.Г. Васильев аатынан Мэҥэ Хаҥаластааҕы кыраайы үөрэтэр мусуой;

6. П.Х. Староватов аатынан Бүлүүтээҕи кыраайы үөрэтэр мусуой;

7. Алданнааҕы устуоруйаны уонна кыраайы үөрэтэр мусуой;

8. Аллараа Халыматааҕы Хоту дойду норуоттарын устуоруйатын уонна култууратын мусуойа;

9. А.А. Саввин аатынан Чурапчытааҕа устуоруйа уонна этнография мусуойа;

10. В.З. Кириллина аатынан «Тымныы полюһа» Үөһээ Дьааҥытааҕы кыраайы үөрэтэр мусуой.

 

edersaas.ru

0
0
Telegram Whatsapp