Уоккун иэһэ суох төлөө – туристическай путевканы сүүй!

Бөлөххө киир:

Уот төлөбүрүгэр иэһиҥ суох буоллаҕына, туристическай путевканы сүүйэн ылыаххын сөп. “Якутскэнерго” Энергосбыта “Табыллыбыт онлайн-төлөбүр” уонна “Табыллыбыт төлөбүр” диэн аахсыйалары биллэрэр.

edersaas.ru

“Табыллыбыт онлайн-төлөбүр” диэн аахсыйаҕа “Якутскэнерго” сайтыгар баар тус кабинеты туһанар дьон кыттыыны ылаллар. Онон ахсынньы 22 күнүгэр диэри бу сайтка киирэн суруйтарыаххын уонна уот төлөбүрүн дьиэҕиттэн тахсыбакка эрэ интэриниэт нөҥүө ыытыаххын сөп.

Онтон “Табыллыбыт төлөбүр” диэн аахсыйаҕа уот төлөбүрүгэр иэһэ суох олохтоохтор бары кытталлар.

Бу сыл тохсунньу 1 күнүттэн саҕалаан ахсынньы 22 күнүгэр диэри киирбит төлөбүрдэр барыта ааҕыллаллар. Түмүк ахсынньы 26 күнүгэр тахсыаҕа. Кыайыылаахтар туристическай путевканан наҕараадаланыахтара. Ону таһынан уоту төлүүргэ аналлаах сэртипикээттэр оонньонуохтара.

Энергосбыт маннык табыгастаах аахсыйалары сыл аайы оҥорор. Быйылгы тэрээһиннэр “Якутскэнерго” тэрилтэ 55 сыллаах үбүлүөйүгэр ананаллар. Онон, күндү ааҕааччы, саҥа дьылы иэһэ суох көрсөргө дьулус! Дьол хараҕа суох дииллэр. Баҕар, сылаас дойдуга сынньана барар путевкалары эн сүүйэн ылыаҥ! Бу туһунан «Якутскэнерго» сайтыгар http://yakutskenergo.ru («УДАЧНЫЙ ОНЛАЙН-ПЛАТЕЖ»«УДАЧНЫЙ ПЛАТЕЖ»), ону таһынан Энергосбыт салааларыгар уонна контакт-киин төлөпүөнүнэн (8-800-100-22-05, 8(4112) 498-498) сиһилии билсиэххэ сөп.

Саргылана Савватеева

+1
0
+1
0
+1
0
+1
0
+1
0
+1
0
+1
0