Алтынньы 27-29 күннэригэр Дьокуускай куоракка 58-с үлэ симиэстирин түмүктэниитигэр аналлаах Бүтүн Арассыыйатааҕы устудьуоннар этэрээттэрин сүлүөтэ ыытыллаары турар. Тэрээһиҥҥэ Арассыыйа 74 субъегыттан 2000-тан тахса ыччат кыттара биллэр. edersaas.ru
М.К. Аммосов аатынан Хотугулуу-Илиҥҥи федеральнай университет 1000-тан тахса кыттааччыны түһэрэр былааннаах. Устудьуоннар куораттарын дириэксийэтэ иһитиннэрбитинэн, университет 66-с нүөмэрдээх уопсайын А, Б уонна В блоктарыгар миэстэ көрбүттэр. Университет уопсайыгар түспүт кыттааччылар күҥҥэ үстэ аһынан хааччыллаллар үһү. Ол туһунан, ХИФУ пресс-сулууспата суруйар.
Бэлиэтээн эттэххэ, бэҕэһээ маҥнайгы ыалдьыттар – Забайкальскай эрэгийиэн дэлэгээссийэтэ номнуо кэлбитэ. Сүлүөккэ Арассыыйатааҕы устудьуоннар этэрээттэрин таһынан бэтэрээннэр, үрдүк, орто үөрэх кыһаларын бэрэстэбиитэллэрэ, салайааччылар, уопсастыбаннай тэрилтэлэр кыттыахтара.
Людмила Попова, “Саха сирэ” хаһыат, edersaas.ru
Хаартыска: интэриниэттэн