Бу күннэргэ дойду бырабыыталыстыбатын бэрэссэдээтэлэ Дмитрий Медведев М.К.Аммосов аатынан Хотугулуу-Илиҥҥи федеральнай университет ректорынан биэс сыл болдьохтоох Анатолий Николаевы аныыр туһунан дьаһалга илии баттаата.
edersaas.ru
Санатан эттэххэ, 2010 сылтан ректорынан олорбут үгүс уопуттаах Евгения Михайлова болдьоҕо өссө ааспыт сыл тохсунньутугар бүппүтэ. Онон саҥа ректор олороро биллэрэ эрээри, сылтан ордук бириэмэ ааста. Бэс ыйын 26 күнүгэр дойду бырабыыталыстыбатын бэрэссэдээтэлэ туһааннаах дьаһалга илиитин баттаата.
Ыспыраапка
Анатолий Николаевич Николаев
1994 с. — СГУ биологияҕа-географияҕа бакылтыатын кыһыл дипломунан бүтэрбитэ
1995-1996 с. — СГУ биологияҕа-географияҕа бакылтыатын ботаникаҕа хаапыдыратын ассистена
1996-1999 с. — СГУ аспирана
1999 с. — В.Н.Сукачев аатынан АНА Сибиирдээҕи салаатын Ойуурга институтун диссертационнай сэбиэтигэр кандидатскай үлэтин көмүскээбитэ
1999-2001 с. АНА СС криолитозона биологическай проблемаларга институтун научнай үлэһитэ
2001-2011 сс. — АНА СС П.И.Мельников аатынан Ирбэт тоҥу үөрэтэр институт старшай научнай үлэһитэ
2011-2013 сс. — ХИФУ биологияҕа-географияҕа бакылтыатын декана
2011 с. докторскай үлэтин көмүскээбитэ
2013 сылтан ХИФУ естественнэй наукаларга институтун дириэктэрэ.
2017 сылтан ХИФУ проректора.
Онтон Евгения Михайлова тугунан дьарыктаныай диэн туоһулааһааччылар үгүстэр. Эрдэ, сонуну киэҥник тарҕатар сириэстибэлэргэ комментарий биэрэригэр, университет бэрэсидьиэнэ буолар түгэммэр стратегическай суолталаах кэскиллээх боппуруостарынан дьарыктаныам диэн этэн аһарбыттаах.
Людмила ПОПОВА, “Саха сирэ” хаһыат, edersaas.ru
Хаартыска: интэринэттэн