Ульяна Винокурова: Ырыа күнэ норуоту тулуурдаах буоларга, тапталга уонна үтүөҕэ көҕүлүөҕэ!

Ааптар: 
Бөлөххө киир:

Быйыл 10-с сылын, ыам ыйын 21 күнүгэр, Саха сирин олохтоохторо Ырыа күнүн норуодунай күнүн бэлиэтииллэр. Искусство үөрүүлээх өрөгөй күнэ биһиги тыйыс айылҕабыт усулуобуйатыгар өссө күүһүрэн биэрэр.

Николай Рерих ХХ үйэ саҕаланыытыгар “соторутааҕыта эрэ эстээри гыммыт сахалар бөҕүөрбүт куоластарынан сааскы бырааһынньык туһунан ыллаабыттара” диэн этэн турардаах. Кини үгүс дьон ис сүрэҕиттэн олох кэрэтиттэн үөрэрин-көтөрүн бэлиэтээбитэ.

Ирбэт тоҥ усулуобуйатыгар ырыа – сылытар, өрө күүрдэр, дууһа иэйиитинэн сүрэҕи сылаанньытар, киһи дууһатын ириэрэр оһох суоһун курдук.

165 ырыаны айбыт уонна Саха сиригэр Ырыа күнүн ааптара-тэрийээччитэ, саха композитора Алексей Луҥха Өлүөнэҕэ сааскы муус барыытын курдук уопсастыбаннас модун түмсүүтүн оннуттан хамсатта.

Ырыаһыт норуот олоҕу таптыыр, или-эйэни, ыаллыы буолууну түстүүр, култуура нэһилиэстибэтин харыстыыр уонна дьоһун эдэр көлүөнэни иитэн таһаарар.

Бүгүн, 2022 сыл ыам ыйын 20 күнүгэр, Ил Дархан Айсен Сергеевич Николаев “Саха Өрөспүүбүлүкэтигэр Ырыа күнүн олохтуур туһунан” Ыйаахха илии баттаата уонна бу күнэ-дьыла олохтонно – ыам ыйын 21 күнэ!

Бу күн ньургуһун күүһүгэр уонна кэрэтигэр сүгүрүйүү, күөҕүнэн чэлгийбит сайылыктарга көһүү кэмэ – сайыҥҥы мэччирэҥҥэ тахсыы уонна Ньукуолун күнэ – сахалар үгэс буолбут халандаардарынан саҥа дьыл үүнүүтэ. Бу сааскы бэлиэ түгэннэр бары ырыанан доҕуһуолланаллар. Аламай күҥҥэ, ийэ айылҕаҕа сүгүрүйүү уонна өбүгэлэргэ ытыктабыл. Ырыа – киһини, айылҕаны, төрөөбүт сири, өбүгэлэри уонна кэнчээри оҕолору ситимниир улуу духуобунай күүс.

Бу билиҥҥи үөскээбит быһыыга-майгыга Ырыа диэн олус суолталаах. Дьиҥ таһымнаахтык бигэргэммит Ырыа күнэ норуоту тулуурдаах буоларга, тапталга уонна үтүө санааҕа көҕүлүөҕэ!

Ис сүрэхпиттэн Саха сирин олохтоохторун Ырыа күнүнэн эҕэрдэлиибин!

Ульяна Винокурова, социологическай наука дуоктара.

+1
0
+1
0
+1
0
+1
0
+1
0
+1
0
+1
0