Улуустарга ыалдьар киһи ахсаана элбиир

07.02.2022
Бөлөххө киир:

Билигин Дьокуускай куоракка коронавирус инфекцията тарҕаныыта арыый намырыах курдук буоллаҕына, улуустарга ыалдьар дьон ахсаана элбии турар.

edersaas.ru

«Дьокуускайга ыарыы улаатар тэтимэ арыый бытаарда. Ону «Триумф» успуорт комплексыгар тэриллибит амбулатория суһал киинигэр күн аайы тиэс оҥорторор уонна көрдөрөр дьон ахсаана икки төгүл аҕыйаабытыттан көрөбүт. Ол эрээри, билигин ыалдьар дьон ахсаана улуустарга элбээтэ», -– диэн Айсен Николаев Суһал ыстаап мунньаҕар иһитиннэрдэ.
Ил Дархан  Саха Өрөспүүбүлүкэтин улуустарыгар наадалаах эмп-том уонна экспресс-тиэһи оҥорор матырыйааллар баар буолалларын ураты хонтуруоллуурга  уонна муниципалитеттарга доруобуйа харыстабылын бастакы сүһүөх звенотун үлэтин күүһүрдэргэ сорудахтаата. Ону тэҥэ, наада буоллаҕына,  улахан улуустарга эбии мэдиссиинискэй үлэһиттэри ыытарга Доруобуйа харыстабылын министиэристибэтигэр эттэ.
Өрөспүүбүлүкэҕэ кэлэктиибинэн иммунитет үөскүүрүн туһугар  ревакцинацияны күүһүрдэргэ уонна оройуоннарга ИХА-тиэһи элбэхтик оҥорорго этилиннэ.

Надежда ЕГОРОВА, «Саха сирэ» хаһыат, edersaas.ru

Андрей СОРОКИН түһэриитэ

+1
0
+1
0
+1
0
+1
0
+1
0
+1
0
+1
0