СӨ Бырабыыталыстыбатын бэрэссэдээтэлин солбуйааччы Михаил Никифоров улуустарга уонна киин куоракка көһө сылдьар эриэйдэлэр ааспыт нэдиэлэтээҕи үлэлэрин туһунан сырдатта.
edersaas.ru
Салайааччы бэлиэтииринэн, ааспыт нэдиэлэҕэ, ахсынньы 7-13 күннэригэр, уопсайа 882 эриэйдэ ыытылынна. Өрөспүүбүлүкэ улуустарыгар санитарнай ирдэбили тутуһар, хонтуруоллуур хайысхалаах ааспыт кэмнэрдээҕэр элбэх ахсааннаах эриэйдэ ыытылынна. Хамыыһыйалар 39 дьыаланы суут быһаарыытыгар ыыттылар, 72 административнай кэһиигэ боротокуолу толордулар, 47 дьыалаҕа анал хамыыһыйа аах оҥордо, 452 сэрэтэр хайысхалаах бэсиэдэ тэрилиннэ.
Киин куорат суһал ыстаабын анал бөлөҕө Урбаан министиэристибэтин кытта 263 көһө сылдьар бэрэбиэркэни ыытта. 212 эргиэн, 39 аһыыр, 8 бытовой өҥөнү оҥорор, 4 сааратар эбийиэктэр бэрэбиэркэни аастылар. Суукка биир дьыала көрүллэн, тэрилтэ 200 тыһ. солк. ыстарааптанна.
Коронавирус сыстыганнаах дьаҥын кэмигэр санитарнай ирдэбили тутуһар хонтуруоллуур, бэрэбиэркэни оҥорор эриэйдэ салгыы ыытыллар.
Елена ПОТОЦКАЯ,»Саха сирэ» хаһыат, edersaas.ru
Хаартыска: Мария Васильева түһэриитэ