Тыа хаһаайыстыбата Уопсастыба

Улуустарга табалары атастаһаллар

Өймөкөөн улууһун «Үчүгэйдээҕи» федеральнай судаарыстыбаннай унитарнай тэрилтэ  47 хотугу дьиэ табатын Кэбээйи улууһугар өрөспүүбүлүкэтээҕи П.А.Кейментинов аатынан «Сэбээн» тэрилтэтигэр ыытта. 

Таатта бэтэринээрдэрин салалтатын Өймөкөөннөөҕү филиал бэтэринээрдэрэ дьиэ табаларын сыныйан көрдүлэр. Ону таһынан бруцеллезка анаалыс оҥордулар. Бэрэбиэркэ түмүгүнэн дьиэ табалара этэҥҥэ буолаллара быһаарылынна.

Улуустарынан дьиэ табаларын атастаһыы таба боруодатын тупсарар сыалтан оҥоһуллар. Маннык атастаһыы өтөрүнэн буолбатаҕа бэлиэтэнэр. Атастаһыы — дьиэ табатын ахсаана элбииригэр төһүү буолан, үтүө түмүктэри көрдөрүө диэн бигэ эрэнэбит.

0
0