Дьон-сэргэ түргэнник ситэр дьиэ кыылын, көтөрү иитэн хаһаайыстыбаларын сайыннаралларыгар, кыратык да буоллаҕына дохуоттаналларыгар болҕомто ууруллар.
Бу күннэргэ «Туймаада» агрохолдинг Сунтаар — Мииринэй оройуоннарыгар Хатастааҕы сибиинньэ иитэр комплекстан нэһилиэнньэҕэ 150 сибиинньэ оҕотун тиэрдиэҕэ. Итинтэн 100 төбө Сунтаарга, 50 — Мииринэйгэ ананаллар, маны сэргэ, 5 туонна комбикорманы тиэрдэллэр. Агрохолдинг салгыы Нам улууһугар 200 сибиинньэ оҕотун тиэрдиэхтээх. Итини таһынан, Эдьигээн олохтоохторугар баржанан 250 куурусса уонна 25 сибиинньэ оҕото барыахтааҕын туһунан иһитиннэрэллэр. Оттон Дьокуускай куоракка «Сайсары» бааһынай ырыынагар бэс ыйын 17 күнүгэр 120-лии солкуобайга 1000 бройлер кууруссаны атыылыахтара.
Ити курдук, агрохолдинг түргэнник ситэр дьиэ кыылын-сүөлүн нэһилиэнньэҕэ тарҕатыыга күүскэ үлэлэһэр.
Хаартыска: Тыа хаһаайыстыбатын министиэристибэтин архыыбыттан