Маны аах Тыа хаһаайыстыбата

Улуустарга кулун тутар ый бүтүүтэ ыытыахтара

СӨ Бырабыыталыстыбатын ааспыт 2021 сыллааҕы үлэтин отчуотун кэмигэр тыа хаһаайыстыбатын миниистирэ Александр Атласов өрөспүүбүлүкэҕэ тыа хаһаайыстыбатын өйүүр  саҥардыллыбыт тиһик үтүө түмүктэри биэрбитин бэлиэтээбитэ.

Кини этэринэн, судаарыстыба өйөбүлүнэн кэтэх хаһаайыстыбалаах 9715 гражданин туһаммыт, кинилэргэ 1 млрд 245 мөл солк. көрүллэн, дохуоттарыгар эбии буолбут.

Кэтэх сүөһүлээхтэргэ көрүллэр төбөҕө бэриллэр харчы улуустарга хаһан тиийэрий диэн сураһаллар. Манан сибээстээн, СӨ Тыа хаһаайыстыбатын миниистирин солбуйааччы Н.С.Афанасьевтан бу ыйытыыга хоруйдууругар көрдөстүбүт.

Былырыын кэтэх сүөһүлээхтэргэ “төбө харчытын” икки түһүмэҕинэн ыыппыппыт. Быйыл биирдэ – сөбүлэһиигэ олоҕуран кулун тутар ый бүтүүтэ улуустарга ыытыахпыт. Ону улуустар бэйэлэрэ  дьаһайаллар, бэрээдэктииллэр. Уонна харчы кэтэх сүөһү ахсаанын 2022 сыл тохсунньу 1 күнүнээҕи туругунан (отчуотунан) бэриллэр, — диэтэ Николай Степанович.

Бэлэмнээтэ Женни Стрюкова

Хаартыска: СӨ Тыа хаһаайыстыбатын министиэристибэтин сайтыттан

1
0
Telegram @edersaas20