Улуустарга көтөргө чэпчэтии баар буолуон сөп

Бөлөххө киир:

СӨ бырабыыталыстыбата кыаммат дьиэ кэргэттэр өрөспүүбүлүкэ иһигэр чэпчэтиилээх көтөллөрүгэр көмөлөһөр былааннаах.

edersaas.ru

Кырдьык, улуустарга, ордук хоту көтөр сороҕор Москваҕа көтөрдөөҕөр ыарахан сыаналаах буолар. Онон кыра дохуоттаах дьон ыарырҕаталлара биллэр суол. Бу туһунан хас отчуот, мунньах аайы туруорсаллар. Атын эрэгийиэннэргэ массыына, тимир суоллара үчүгэйдик сайдыбыт буоланнар, маннык кыһалҕаны көрсүбэттэр. Ону тэҥэ, биһиги өрөспүүбүлүкэбит киэҥэ-куоҥа, суола-ииһэ суоҕа сыттаҕа.

Бырабыыталыстыба бэрэссэдээтэлэ Владимир Солодов бу боппуруоһунан федеральнай былаас уорганнарын кытары кэпсэтии бара сылдьарын туһунан иһитиннэрдэ. Болҕомто, сүрүннээн, кыаммат ыалларга ууруллан, көмө быһыытынан буолуохтаах.

Биһиги федеральнай бүддьүөттэн субсидия көрүллэригэр үлэлэһэбит. Билигин субсидия эрэгийиэннэр икки ардыларыгар көтүүгэ эрэ көрүллэр, оттон биһиги өрөспүүбүлүкэ иһигэр эмиэ көрүллэрин туруорсабыт”, — диэн Владимир Солодов эттэ.

Ангелина Васильева, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0