Тыа сирин хоккейын лигата тэриллэн, күн бүгүн араас улуус хамаандаларын бэйэтигэр көхтөөхтүк түмэ тардар. Бастакы дьоһун хардыылар бааллар. Ол курдук, соторутааҕыта Дьокуускай куоракка «Эллэй Боотур» спорт дыбарыаһыгар «Якутскэнерго» хоккеистара Мэҥэ Хаҥалас, Нам уонна Уус Алдан улууһун хомуур хамаандаларын кытта күөн көрүстүлэр.
Анивера Акимова, «Саха сирэ» хаһыат, https://edersaas.ru/
Бу олус тыҥааһыннаах, өрө күүрүүлээх, долгутуулаах оонньууну бука бары көрөөччүлэр олус сэргээтилэр. Хас биирдии шайба «ураа» хаһыынан доҕуһуолланна! Кыайыылааҕынан «Якутскэнерго» хамаандата тахсыбытын туһунан Саха сирин хоккейын федерациятын пресс-сулууспата иһитиннэрдэ.
Күрэхтэһии түмүгүнэн эттэххэ, хоккей хамсааһына улуустарга сөргүтүллэн эрэр эбит. Аҕа саастаах спортсменнар эдэрдэргэ үтүө холобур буолаллар. Дьиҥэр кинилэр бары араас эйгэҕэ үлэлииллэр ээ. Ким эрэ тыа хаһаайыстыбатыгар, сорох – тэрилтэҕэ эбэтэр офиска. Онтон мууска таҕыстахтарына кинилэр бары биир хамаанда буолаллар. Спорт сомоҕолуур, эрдээх, хоһуун санаалыыр!
Саҥа лига өрөспүүбүлүкэ үрдүнэн хоккейы киэҥник тарҕатар сыаллаах-соруктаах. Дьаныһан туран дьарыктаннахтарына, өссө да элбэх кыайыы-хотуу кэллэр кэлэн иһиэҕэ. Күндү биир дойдулаахтарбыт, спордунан дьарыктаныҥ, чэгиэн-чэбдик буолуҥ!
Анивера Акимова, «Саха сирэ» хаһыат, https://edersaas.ru/