Улуустарга доруобуйа харыстабылын саҥа түһүмэҕэ саҕаланна

Бөлөххө киир:

СӨ Ил Дархана Айсен Николаев бүгүҥҥү Анал этиитигэр доруобуйа харыстабылыгар улахан болҕомтотун уурда. Инники былааннары үллэстэригэр доруобуйа харыстабылын эбийиэктэрин тутууну эмиэ бэлиэтээтэ.

Ол курдук, нэһилиэнньэ доруобуйатын уонна олоҕун көмүскэлигэр аныгы технологиянан сэбилэммит мэдиссиинискэй эбийиэктэр сүҥкэн оруолу ылаллар.
Дьокуускай куоракка Кардиология уонна Онкология кииннэрэ тутуллан үлэҕэ киириэхтэрэ. Нерюнгри оройуонун мэдиссиинискэй тэрилтэлэрэ саҥардыллыахтара. Тааттаҕа, Чурапчыга, Бүлүүгэ, Уус Маайаҕа, Муомаҕа оройуоннааҕы киин балыыһалар дьиэлэрэ тутуллуохтара. Мэҥэ Хаҥалас, Кэбээйи, Нам, Ньурба, Сунтаар улуустарын оройуоннааҕы киин балыыһаларын бырайыактааһын түмүктэниэҕэ. 2023 сылга ити тутуулар саҕаланыахтара.

«Быйыл оройуоннарга доруобуйа харыстабылын сайдыытын олох саҥа түһүмэҕин саҕалаатыбыт…. Тыйыс килиимэттээх дойдубутугар биһиги доруобуйабыт олохпут укулаатынан, олохпут хаачыстыбатынан уонна доруобуйа харыстабылын үлэтэ хас биирдии киһиэхэ табыгастааҕынан быһаарыллар», -– диэтэ Айсен Николаев.

Надежда ЕГОРОВА, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0