Улуустарга айан-сырыы кэҥэтиллэн иһиэҕэ

Ааптар: 
Бөлөххө киир:

Оптуобустар сырыылара муниципалитеттарга хайдах буолуоҕун туһунан боппуруоһу СӨ Бырабыыталыстыбатын бэрэссэдээтэлэ Андрей Тарасенко кыттыылаах мунньахха дьүүллэстилэр.

СӨ Тырааныспар уонна суол хаһаайыстыбатын министиэристибэтин, куорат дьаһалтатын, «Автовокзал» АУо салалталара кыттыылаах мунньахха айан-сырыы ситимин кэҥэтэргэ, оптуобустары көрөр-истэр сири ситэрии, комплектациялааһын, оптуобус вокзалларын ситимин тэрийии уонна айан-сырыы ороскуотун боппуруостарын көрдүлэр.
Бары маршруттарга гааһынан барар оптуобустары сүүрдэри былаанныыллар.

Урут оройуоннарга сылдьар маршруттарга туох-ханнык иннинэ суолга куттал суох буолуутун учуоттууллара. Бэрэбиэркэ түмүгүнэн Саха сиригэр оройуоннарга тиһиктээхтик сылдьарга айан-сырыы испииһэгэр маннык маршруттар киллэриллибиттэр:

– Дьокуускай- Покровскай — Мохсоҕоллоох — Дьокуускай.
– Дьокуускай- Маҕарас — Бэрдьигэстээх — Дьокуускай.
–Дьокуускай — Аллараа Бэстээх тимир суол ыстаансыйата — Дьокуускай (кыһыҥҥы кэмҥэ Хатаһынан -Павловскайга).
– Дьокуускай — Аллараа Бэстээх тимир суол ыстаансыйата — Дьокуускай (кыһыҥҥы кэмҥэ Дьокуускай — Аллараа Бэстээх).

Федеральнай уонна эрэгийиэн суолталаах айан суоллара нуорумаҕа эппиэттииллэрэ учуоттаныллан, 2021-2024 сылларга оройуоннарга федеральнай айан суолларынан тиһиктээх сырыыны тэрийии боппуруоһугар үлэ ыытыллар.  Ол курдук, «Өлүөнэ» — «Дьокуускай  — Алдан — Нерюнгри», «Бүлүү» —  «Дьокуускай – Маҕарас – Бэрдьигэстээх», «Дьокуускай – Бүлүү», эрэгийиэннээҕи айан суолунан «Амма» — «Амма — Уус Маайа».

Билигин пассажирдары улуустарга уонна куорат таһыгар таһар оптуобустар «Автовокзалтан» сылдьаллар. Айаннаабыт пассажирдар ахсааннара сыл ахсын 50 тыһыынчаттан тахсар эбит буоллаҕына, 2020 сылга хааччахтааһын миэрэлэрэ киирэннэр пассажирдар ахсааннара 17 тыһ. 900 буолбут.

+1
0
+1
0
+1
0
+1
0
+1
0
+1
0
+1
0