Уопсастыба

Улуус салалтатын мөлүйүөннээх дьоһуннаах бэлэҕэ

Сыстыганнаах дьаҥынан  сибээстээн, быйыл Тымныы полюһа Өймөкөөн улууһун 100 сыллаах үбүлүөйүн бэлиэтээһин уустук балаһыанньаҕа ааһан эрэр.

edersaas.ru

Бу күннэргэ үбүлүөйү түмүктүүр тэрээһиннэр буола тураллар. Бэҕэһээ, ахсынньы 9 күнүгэр, улуус баһылыга Иннокентий Сивцев муниципальнай тэриллиилэр нэһилиэктэр баһылыктарын, тэрилтэлэр салайааччыларын куйаар ситимин мунньаҕар мунньан олорон саамай үөрүүлээх, умнуллубат үбүлүөйдээх «туочуканы туруорда». Ол курдук, улуус дьаһалтата уонна дьокутааттар оройуоннааҕы сэбиэттэрэ 7 муниципальнай тэриллиигэ 1 000 000 солкуобай, хас биирдии муниципальнай тэрилтэҕэ 100 000 солкуобай харчынан бэлэҕи ууннулар!

Хантан бачча үтүмэн үп киирдэ диир буоллахха, улуус салалтата быйыл Өймөкөөҥҥө үлэлиир көмүс хостуур тэрилтэлэри кытта оройуон социальнай экэнэмиичэскэй сайдыытыгар сыһыаннаах Сөбүлэҥ түһэрсиитин түмүгэр бу маннык улахан үйэ-саас тухары умнуллубат суолталаах бэлэх оҥоһулунна.

Бу бэлэх-үбүлээһини улуус бөһүөлэктэрэ, нэһилиэктэрэ уонна тэрилтэлэр материальнай базаны хаҥатыыга, тупсарыы, саҥардыы үлэтигэр туттуохтара. Онон төһө да уустук кэмҥэ сыстыганнаах дьаҥ кэмигэр дьиэттэн тахсыбакка олордоллор, өймөкөөннөр улуустарын 100 сылын умнуллубаттык бэлиэтээтилэр, көмүстээх сиргэ олороллорун улуус дьаһалтатын баһылыга Иннокентий Сивцев быһаарсыылаах үлэтин түмүгүнэн дьэ биллилэр.

 

Елена ПОТОЦКАЯ, «Саха сирэ» хаһыат, edersaas.ru

 

 

0
1
Telegram @edersaas20

Добавить комментарий