Улуус олохтоохторо тустаах бырагырааманан Дьокуускайга кыбартыыра ылыахтара

Бөлөххө киир:

Өрөспүүбүлүкэҕэ  хаарбах дьиэттэн дьону көһөрүү бырагырааматын олоххо киллэрии тэтимнээхтик барар. Дьааҥы, Усуйаана, Эдьигээн уонна Өлөөн улуустарын 73 олохтооҕун быйыл Дьокуускай куоракка толору хааччыллыылаах кыбартыыраларынан хааччыйыахтара.

«Муниципальнай тэриллиилэр сайаапкаларынан биһиги Дьокуускай куоракка саҥа тутуллар дьиэлэргэ кыбартыыралары атыылаһан биэриэхпит.  Кэккэ хоту улуустар олохтоохторугар 27 кыбартыыраны атыылаһар былааннаахпыт», — диэн олорор дьиэни тутар дириэксийэ генеральнай дириэктэрэ Игорь Ткаченко иһитиннэрдэ. Сокуон быһыытынан ыраах  сытар нэһилиэнньэлээх пууннарга олорор дьон 2019-2025 сыллардааҕы тустаах бырагырааманан саҥа дьиэни атын сиргэ ылар толору бырааптаахтар. Былырыын Усуйаана улууһун Хаһааччыйатыттан 7 дьиэ кэргэн Дьокуускай куоракка саҥа кыбартыылары ылан үөрүүлэрэ муҥура суох этэ.

edersaas.ru

+1
0
+1
0
+1
0
+1
0
+1
0
+1
0
+1
0