Улуус баһылыгын граныгар — оҕолор сомоҕо хамсааһыннара

Ааптар: 
20.12.2020
Бөлөххө киир:

Үөһээ Бүлүү улууһун баһылыгын граныгар оҕолор хамсааһыннарын үлэлэрин өйүүр сыаллаах тэриллибит социальнай бырайыак күрэһин отчуота куйаар ситиминэн ыытыллыбыт.

Сыл устатыгар тугу үлэлээбиттэрин туһунан кыайыылаах  13  бырайыак сырдатта диэн улуус саайтыгар Саргылаана Ильина суруйар. —Тэрийэр хамыыһыйа улахан үлэлэр тэриллибиттэрин бэлиэтээтэ.  Үлэ үксэ Улуу Кыайыы 75 сылын көрсө Трудовой учаастагар “Өйдүүбүт, сүгүрүйэбит, кэриэстиибит” өйдөбүнньүк  аарка, “Аллея памяти” искибиэр, “Мин таптыыр Үөһээ Бүлүүм” ыйынньык карточкалар, П.Н.Тобуруокапка аналлаах искибиэр, бэтэрээннэр олорор дьиэлэригэр “Спасибо за Победу” диэн анал бэлиэлэр, “Чтобы помнили “ истиэндэ, “Волонтерский лагерь «Патриоты» уонна да араас таһымнаах үлэлэр барбыттара, “Махтал кыайыыны уһансыбыттарга”, “Ийэ сүрэҕэ-саллаакка” кинигэлэр  күн сирин көрбүттэрэ. Саамай үөрүүлээҕэ, киһини кэрэхсэтэрэ, маннык үлэлэр нөҥүө хас биирдии оҕо хамсааһын дьарыктаах буоларыгар, ылсыбыт, ылыммыт дьыалаларыгар эппиэтинэстээхтик  сыһыаннаһан  тиһэҕэр тиэрдэргэ кыһаллаллара, салгыы сайыннаран араас таһымнаах күрэстэргэ кытталлара буолар. Эһиилги үөрэх дьылыгар ыытыллар баһылык граныгар, өссө  элбэх сонун санаалаах, этиилээх, айар үлэлээх, улууспут сайдыытыгар үлэлэһэр соруктаах түмсүөх, кыра да буоллар сэмэй кылааппытын киллэрсиэх  буолан тарҕастыбыт.

Саргылаана Ильина

+1
0
+1
0
+1
0
+1
0
+1
0
+1
0
+1
0