Нөмүгүтээҕи килиэби оҥорор хампаанньа (НХЗ ГРУПП) Улуу Кыайыы күнүн өрө көтөҕүллэн туран көрсөр. Сыл аайы сэрии, тыыл, үлэ бэтэрээннэрин эҕэрдэлиир үтүө үгэстээх тэрилтэ быйыл аҕам саастаах дьонун эмиэ үөртэ. Өрүү илии тутуурдаах, өттүк харалаах кэлэр эдэр дьону бэтэрээннэр үөрэ көрсөллөр.
Быйыл Кыайыы 77 сылллаах улуукан күнүн көрсө НХЗ ГРУПП бэртээхэй видеоролигы уһулла. Манна Саха сирин үтүөлээх артыыската Домна УЙГУРОВА сэрии толоонугар кэргэнин сүтэрбит огдообону көрдөрөр. Айылҕаттан талааннаах артыыс оруолугар 90-нун лаппа ааспыт ытык кырдьаҕаһы итэҕэтиилээхтик арыйар. Норуот уостан түһэрбэккэ ыллыыр Марк Бернес аатырбыт “Журавли”ырыатыгар олоҕуран уһуллубут кылгас киинэ киһи эрэ уйулҕатын таарыйар күүстээх. Манна сэрии хаарыйбыт биир саха ыалын олоҕун суола көстөр. Төһө даҕаны кылгастык олордор, саллаат удьуора салҕанар. Тыыннаах ситим быстыбат. Бу буолар олох өрөгөйдүүр кыайыыта. Төһө да кэм аастын умнуохпут суоҕа аҕа көлүөнэ ситиспит Улуу Кыайыытын, дойдуга тапталын, олоххо дьулуурун!
Саха сирэ, edersaas.ru саайтка анаан Айталина НИКИФОРОВА-ШАДРИНА