Ханна да олорор дьиэ тэлгэһэтин ыраастаныы үлэтэ көхтөөхтүк салҕанар!
Саха омук саас ааҋы аҋылҕа уһуктуута, ыраастаныы үлэтин ыытар үтүө үгэһин тутуһан, Дьокуускаҋ куоракка ааспыт сылга үлэҕэ саҥа киирбит Автодорожнаҋ уулусса 2/4 нүөмэрдээх дьиэтин олохтоохторо, батсаап бөлөҕөр ыҥырыы таһааран, болдьоһон, Улуу Кыаҋыы күнүн көрсө субуотунньукка таҕыстылар.
Куорат хас биирдии олохтооҕо олорор дьиэтин таһын бэҋэтэ ыраастык тутарга дьулуһуохтаах диэн атаҕынан доҕолоҥнуур аҕам саастаах киһи үлэҕэ тахсыбыт эдэр дьоҥҥо санаатын үллэстэр. Кини эдэр ыччаты кытта тэҥҥэ ыарахан маһы, тааһы сосуһан тэҥҥэ түсүһэ сылдьара үгүстэргэ үтүө холобур буолла.
Манна сорохтор балкон түннүктэринэн тардыбыт табахтарын тобоҕун, испит пиибэлэрин иһитин быраҕыылара хоҋуута соһутта. Бу баара-суоҕа аҕыҋах ыҋ анараа өртүгэр саҥа оҥостон киирбит, «Утум» биир бастыҥ тутуулааҕынан аатырбыт дьиэтигэр олорон, сорох дьон ити курдук дьалаана суох сыһыаннастахтарына, олорор сирдэрин, дьиэлэрин харыстаабатахтарына, аҕыҋах сылынан хаҋдах буолуо биллибэт. Эбиитин, ыттаах дьоммут сорохторо тапталлаах түөрт атахтаах доҕордоро тахсан киирбит сирдэрин кэнниттэн хомуҋан испэттэрэ, хомойуох иһин, ырылыччы көстө сытаахтыыра олус сүрдээх.
Бу бастакы уопсаҋ субуотунньукка, олорор дьиэлэрин чахчы ыраас буолуутугар, дьиэ таһыгар оҕолорбут, сиэннэрбит бөх-сыыс, кир-хах, табах тобоҕун ортотугар оонньооботунар, куораппыт ыраас буоллун диэн үтүө санаанан салаҋтаран тахсыбыттара хаҋҕаллаах.
Түмүккэ, субуотунньукка тахсыбыт дьон үлэлэрин түмүгүттэн астынан, ыраас тэлгэһэлээх астык да эбит дэһэн, халлааҥҥа харбаспыт аттынааҕы дьиэлэр хаһааҋыттарыгар эмиэ дьиэлэрин таһын ыраастыылларыгар баҕа санаалаах тарҕастылар.
«Саха сирэ» хаһыат, edersaas.ru саайтка анаан Августина Хабарова.
Хаартыскалар Августина Хабарова тиксэриилэрэ