Кырдьаҕас Бүлүү куоратын хас биирдии ыалын түннүгэ, тиэргэнэ Улуу Кыайыы 75-с сыллаах үбүлүөйүнэн киэргэтилиннэ.
edersaas.ru
Аҕа дойду сэриитэ таарыйбатах ыала өрөспүүбүлүкэ үрдүнэн суох. Саха сириттэн барыта 62 609 киһи уоттаах сэриигэ ыҥырыллан барбыта.
Бүлүү оройуонуттан 1941-1945 сылларга 1 988 киһи ыҥырыллыбытыттан, 1029 киһи сэрии хонуутугар охтубут, 959 киһи кыайыы кынаттаах эргиллэн кэлбит.
Ыам ыйын 9 күнүгэр, Улуу Кыайыы 75-с сыллаах үбүлүөйүнэн, Бүлүү куоратын олбуордарыгар сэрии бэтэрээннэрин хаартыскалара ыйаннылар, кыһыл былаахтар тэлибирээтилэр.
Быйыл коронавирус дьаҥа тарҕанан улахан тэрээһиннэр ыытыллыбатахтарын да иһин, бары тэрилтэ, ыал дьиэтэ бу курдук бырааһынньыктыы киэргэнэн, Бүлүү куоратыгар Кыайыы күнэ бэлиэтэннэ.
Ньургуйаана Иванова, “Саха сирэ” хаһыат, edersaas.ru
Хаартыскалар социальнай ситимнэртэн
+1
+1
+1
+1
+1
+1
+1