«75 сыл эйэлээх халлаан анныгар» диэн патриотическай аахсыйаны СӨ норуоттарын Ассамблеята, А.Е.Кулаковскай аатынан норуоттар доҕордоһууларын дьиэтэ тэрийдилэр.
Национальнай-культурнай түмсүүлэр, норуоттар доҕордоһууларын дьиэтин исписэлиистэрэ тэрээһиҥҥэ көхтөөхтүк кыттаргытыгар ыҥыраллар.
Аахсыйанан Аҕа дойду улуу сэриитин кыттыылаахтарыгар, ытык бэтэрээннэргэ «Бэтэрээҥҥэ бэлэх» (75 бэлэх) оҥоһуллан туттарыллар. Ону сэргэ, «Историяны бэтэрээннэр кэпсииллэр» диэҥҥэ национальнай-культурнай түмсүүлэр ытык кырдьаҕастар тустарынан сырдатыахтара, хаартыскалары көрдөрүөхтэрэ.
Аахсыйа кэмигэр тэрийээччилэр Кыайыы өрөгөйдөөх күнүгэр, Аҕа дойду сэриитин уонна тыыл бэтэрээннэригэр, сэрии оҕолоругар 75 бэлэҕи туттарыахтара. Ону сэргэ, ытык кырдьаҕастар оҕолоро, сиэннэрэ, хос сиэннэрэ чугас, күндү дьоннорун туһунан ахтыыларын көрүөхтэрэ. Аахсыйа туһунан сиһилии А.Е.Кулаковскай аатынан норуоттар доҕордоһууларын дьиэтин саайтыгар көрүөххэ сөп.
Ыам ыйын 9 күнүгэр «75 сыл эйэлээх олох» ОНЛАЙН концерт буолуоҕа. Аахсыйа түмүгүнэн видеосюжеттар тахсыахтара.
